Sálarfrøði og Samskifti

 –   kravdur partur av nýggju Fyrisitingarútbúgvingini

Endamál

Skeiðið skal verða við til at menna persónligu og fakligu førleikarnir hjá tí lesandi, innan økið sálarfrøði og samskifti. 

Endamálið er at tann lesandi megnar at analysera samanhangir tey sum starvsfólk eru ein partur av, á teirra almenna/privata arbeiðsplássi, útfrá einum sálarfrøðiligum og samskiftisligum vinkli.

Víðari er endamálið at viðvirka til at tann lesandi á ein konstruktivan og yrkisligan hátt kann verða við til eina framhaldandi menning og broyting av skipanini og samskiftinum á arbeiðsplássinum.Til endans er endamálið at tann lesandi fær betri og breidri innlit í og fatan av hvørjar sálarfrøðiligar og samskiftisligar mekanismur og sambond ávirka samanspælið millum borgara, starvs- og samstarvsfelagar. 

Undirvísari

Bjørt Lind

Løggildur sálarfrøðingur

Bjørt Lind, løggildur sálarfrøðingur. Starvast í løtuni sum námslektari á Setrinum, og er eisini privatpraktiserandi sálarfrøðingur. Bjørt Lind hevur kliniskar royndir frá m.a. Barna og ungdómspsykiatriini í Fø og Dk, barnaheimið og varðhaldsfongsli í DK.

Læruúrtøka

Eftir lokið skeið, skal hin lesandi

• hava innlit í og vitan um ymiskar sálarfrøðiligar rætningar og ástøðir
• skilja, út frá einum sálarfrøðiligum vinkli, hvussu og hví vit sum starvsfólk, borgari og starsfelagi gera (agera) sum vit/tey gera
• skilja hvussu persónligur hugburður og fordómar ávirka relationir millum menniskju, og kunna skilja millum persónligan og yrkisligan hugburð. 
• kunna analysera broytingarprocessir, skilja reaktiónsmynstur, positiónir og handfaringsstrategiir hjá ymisku pørtunum.
• kunna reflektera yvir etisk sjónarmið í samrøðum, og teirra egnu rollu sum samskiftandi menniskja
• kunna identificera, analysera og meta um týðandi sálarfrøðiligar spurningar á arbeiðsplássinum
• síggja truplar støður út frá fleiri ymiskum sálarfrøðiligum sjónarhornum
• kunna meta um fyrimunar og vansar við ymiskum sálarfrøðiligum háttum og amboðum, serliga í mun til sína egnu persónligu menning
• kunna analysera og meta um mekanismurnar í tí sálarliga umhvørvinum á arbeiðsplássinum
• kunna analysera eina samskiftissekvens og seta fram aðrir samskiftis møguleikar
• megna at strukturera og leiða eina samrøðu, við tí endamálið at skapa ein konstruktivan dialog. 

INNIHALD

• Ymiskir sálarfrøðiligir rætningar
• Persónlig menning og týdningin av relatiónum
• Persónligheitstypur
• Sálarligt arbeiðsumhvørvi/stress/coping
• Hugburðar/fordómar/virðir
• Motivatión og tørvur
• Toymir/bólkar/rollur/dynamikkur
• Samstarv og tvørfakligheit 
• Sálarfrøði í einum samfelagsligum sjónarhorni
• Makt og empowerment
• Transaktionsanalysa/assertion
• Positiónir (aktør/offur)
• Starvsfelagin sum samskiftari
• Kynstri at duga at samrøða  

Førleikar

Tann lesandi skal 

• veita persónligar og fakligar broytingar á egnum arbeiðsplássi og bera seg kritiskt at í mun til egnu rolli í møtinum millum borgara, starvs- og samsstarvsfelaga
• megna at brúka sína egnu fatan av sosialu og mentaðarligu ymiskleikunum hjá borgarinum til at menna kvalitetin í samstarvinum og arbeiðinum við borgarin
• luttaka í tvørfakligum samstarvi út frá einari yrkisligari tilgongd
• áhaldandi útvikla seg persónliga og fakliga og megna at samantvinna teirra vitan um sálarfrøði og samskifti við praksis

Kravd uppgáva

Tann lesandi skal skriva og lata inn eina kravda uppgávu fyri at verða egnaður til endaligu próvtøkuna.

Próvtøkuháttur 

Endamálið við próvtøkuni er at skjalfesta í hvønn mun tann lesandi uppfyllir læruúrtøkurnar, sum eru álagdir fyri skeiði.

Próvtøkan er ein spurdómsstýrd skrivlig uppgáva. Tann lesandi hevur 48 tímar at svara spurningunum.

Tímatal

Uml. 70 undirvísingartímar
PRÓVTALSSTIGI Galdandi próvtalsstigi
GRUNDBÓK Fjordbak, Jan (2019) “Psykologi og kommunikation”, COK – Center for Offentlig Kompetenceudvikling