Ávaring

Tú missir tað, tú júst hevur tøppa inn.
Ynskir tú at sløkkja?

Ja
Nei
Skeiðið kann umbiðast

Lær teg føroyskt til lítar

Hetta skeiðið er ikki á skránni. Her kanst tú boða frá, um skeiðið hevur tín áhuga. Skeiðið verður fyriskipað, treytað av nøktandi luttøku. Fráboðanin er óbindandi.

Umbið skeið

At duga sítt móðurmál til lítar er ein førleiki, ið krevst í flestum størvum. 

Kennir tú teg ikki nóg stinna/n í stavseting, bending og teknseting, er hetta eitt skeið fyri teg.

Málbólkur

Skeiðið er ætlað øllum, ið hava tørv á at gerast kønari í rættskriving og sum vilja læra at orða seg betur og greiðari.  

Endamál

Endamálið við skeiðinum er at geva luttakaranum innlit í føroyska mállæru og orðalag, so tað verður lættari at skriva ein rættan og greiðan tekst.

Innihald

Skeiðið fevnir um hesi evni: 

  • Bendingarlæra

– Navnorð
Sagnorð
Lýsingarorð
– Hjáorð

  • Orðalagslæra og teknseting
  • Rættskrivingarreglur 
  • At gera góðar setningar
  • Orðaval og greidleiki

Undirvísingarháttur 

Framløga í PowerPoint, meðan greitt verður frá. Undirvísingin verður stuðlað við uppgávum, ið verða loystar í tímanum.

Undirvísari

Marjun Arge Simonsen

Cand.phil. í norðurlendskum, serstakliga føroyskum, máli og bókmentum

Marjun A. Simonsen er málfrøðingur og hevur virkið Orðafragd. Hon hevur starvast á Føroyamálsdeildini 1987-2001, har hon eitt nú arbeiddi sum ein av ritstjórunum á Føroysku orðabók. Í virki sínum hevur hon drúgvar royndir sum skeiðsundirvísari. Harumframt virkar hon m.a. sum ráðgevi, tá ið føroyskt vísindamál skal mennast, skipar framløgur, týðir og rættlesur. Harumframt er at nevna, at hon er høvundur at bóklinginum Málráð. Hvussu orða vit okkum á rættan hátt, ið kom út í 2013.

TÍÐARÆTLAN

Undirvíst verður fyrrapart, seks hósdagar frá kl. 08.30 til 12.00 tó éin fríggjadag 17. nov.  tíðarskeiðið 26. oktober til 7. desember 2023:

26. okt.

2. nov.

9. nov.

17. nov. fríggjadag

23. nov.

30. nov. og

7. des.

TILMELDINGARFREIST

Skeiðið fer í gongd sum ætlað, enn eru pláss tøk.

KL.

08.30-12.15

STAÐ

Undirvíst verður í handilsskúlabygninginum (yvir av Glasi), Janusargøtu 2, Tórshavn

PRAKTISKT

Byrjað verður kl. 08.30 í reyða handilsskúlabygninginum, stova 771, og kl. 09.00 bjóða vit morgunmat á Glasi.

Tilfar til undirvísingartímarnar verður útflýggjað so hvørt.

Umbið skeið

Onnur skeið