Ávaring

Tú missir tað, tú júst hevur tøppa inn.
Ynskir tú at sløkkja?

Ja
Nei

Fyrisitingarlógin og málsviðgerð (2-daga skeið)

16 tímar

undirvísingartímar

7. des. 2021

skeiðsbyrjan

Kr. 4.750,-

kostnaður

Endamál

Endamálið við skeiðnum er at geva luttakarunum eina greiða fatan av teimum krøvum til málsviðgerðina, sum m.a. fyrisitingarlógin setur.
Luttakarar fáa eina skeiðsmappu, ið er ætlað at vera eitt gott og brúkiligt amboð í dagliga arbeiðinum.

Málbólkur

Skeiðið er ætlað málsviðgerum í almennu fyrisitingini umframt øðrum, sum í dagliga starvi sínum koma í samband við fyrisitingarlógina

Innihald og formur

Málsviðgerðarreglurnar í fyrisitingarlógini verða gjøgnumgingnar, viðgjørdar og útgreinaðar:

  • lógarøki – hvat fevnir fyrisitingarlógin um?
  • reglurnar um vegleiðing, umboðan og ógegni
  • partshoyring, rætturin at geva ummæli, grundgeving og kæruvegleiðing
  • tagnarskylda og avhandan av trúnaðarligum upplýsingum
  • reglurnar um partsinnlit

Eisini verður greitt nærri frá skylduni at skriva upp (notatskylda).

Dømi frá m. a. dómstólunum, danska og føroyska umboðsmanninum verða tikin við í tann mun, tey kunnu lýsa nevndu málsviðgerðarreglur nærri.

Skeiðið fer eisini at viðgera tær fyrisitingarligu grundreglurnar, sum ikki eru lógarfestar. Hetta eru m. a. reglurnar um lóglig fyrilit, proportionalitet, heimild og líkskap. Hugt verður eisini eitt sindur at málsviðgerðarsiði annars, t. d. málsviðgerðartíð.

Nortið verður eisini við uppgávurnar hjá Løgtingsins umboðsmanni, eins og hvønn týdning umboðsmaðurin hevur fyri fyrisitingina sum heild.

Undirvísingarháttur

Undirvísingin verður skipað sum fyrilestur, kjak og uppgávu- og bólkaarbeiði.

Undirvísari

Óli Høgnesen

Cand. jur og fyrrverandi advokatur

Óli Høgnesen hevur drúgvar undirvísingarroyndur bæði úr Danmark og Føroyum og hevur eisini virkað sum advokatur í nógv ár.

TÍÐARÆTLAN

Undirvíst verður týsdagin og mikudagin 7. og 8. desember 2021

KL.

08.30-16.00

TILMELDINGARFREIST

30. november 2021

STAÐ

Undirvíst verður í handilsskúlabygninginum (yvirav Glasir), Janusargøta 2, Tórshavn.

PRAKTISKT

Byrjað verður kl. 08.30 í reyða handilsskúlabygninginum, stova 771 og kl. 09.00 bjóða vit morgunmat á Glasi, har vit eisini fáa døgurða kl. 12.15.

Onnur skeið