Ávaring

Tú missir tað, tú júst hevur tøppa inn.
Ynskir tú at sløkkja?

Ja
Nei

Alment innlit

8 tímar

undirvísingartímar

21. sept. 2022

skeiðsbyrjan

2.250,-

kostnaður

Endamál

Flestu kærir til Løgtingsins Umboðsmann viðvíkja kærir um m.a. alment innlit, tí er neyðugt, at málsviðgerðar og onnur innan almennu fyrisitingina kenna reglurnar í Innlitslógini . Á skeiðnum fáa luttakarunum eina greiða fatan av lógini um innlit í fyrisitingina og dentur verður lagdur á hvussu eitt nú áheitanir frá fjølmiðlum og almenninginum um alment innlit skulu viðgerðast. 

Málbólkur

Skeiðið er ætlað málsviðgerum í almennu fyrisitingini umframt øðrum, sum í dagliga starvi sínum koma í samband við innlitslógina.

Innihald og formur

Reglur um innlit á ymiskum lógarøkjum verða umrøddar. Innlitslógin verður gjøgnumgingin, viðgjørd og útgreinað. Hetta fevnir m.a. um:

  • Lógarøkið – hvat er fevnt av lógini?
  • Skjalahugtakið sambært innlitslógini
  • Skyldan at skriva upp
  • Rætturin til skjalainnlit
  • Tagnarskylda – avmarking av rættinum til innlit
  • Avgerðin – fráboðan, grundgeving og kæruvegleiðing

Viðkomandi dømi frá m.a. dómstólum, danska og føroyska umboðsmanninum verða tikin við í tann mun, tey kunnu lýsa nevndu reglur nærri.

Undirvísingarháttur

Undirvísingin verður skipað sum fyrilestur og kjak. Eisini verður uppgávu- og bólkaarbeiði, har luttakarar fáa høvi til at royna lógina í verki.

Undirvísari

Óli Høgnesen

Cand. jur og fyrrverandi advokatur

Óli Høgnesen hevur drúgvar undirvísingarroyndur bæði úr Danmark og Føroyum og hevur eisini virkað sum advokatur í nógv ár.

TILMELDINGARFREIST

7. september 2022

TÍÐARÆTLAN

21. september 2022

KL.

08.30-16.00 (Vit bjóða morgunmat kl. 09.00 og døgurða kl. 12.15 í kantinuni á Glasi)

STAÐ

Undirvíst verður í reyða handilsskúlabygninginum, Janusargøta 2, Tórshavn

Onnur skeið