Grundleggjandi skeið um fukt og hvussu vit kunnu fyribyrgja fuktskaðum

Málbólkur        

Tey, sum arbeiða við byggimálsviðgerð, prosjekterandi, byggimeistarar, byggiharrar og onnur áhugað.

Endamál

At luttakararnir gerast førir fyri at skilja grundleggjandi fukt-trupulleikar og læra at fyribyrgja teir. Og ikki minst: at byggiarbeiðið kann verða enn betri.

Innihald

• Skeiðið umfatar fukt, sum ikki beinleiðis er tengt at regni. (t.e. lekar)
• Ymisk sløg av bjálving og annað byggitilfar, og hvørja ávirkan tað kann hava á fukt og slevju
• Kuldabrýr, slevjupunktsútrokningar heitar- og kaldar konstruktiónir. (tekir serliga)
• Luftskifti og hvørja ávirkan tað hevur

Amboð

• Lummaroknari t.d. T30 ella ein telefon við góðari roknimaskinu
• Telda við Excel er ein fyrimunur at hava við, men er ikki nakað krav

Undirvísari

Ragnar Mouritsen

Verkfrøðingur

Ragnar Mouritsen er útbúgvin verkfrøðingur frá Danmarks Tekniske Universitet. Hann hevur drúgvar royndir sum verkætlanarleiðari innan hita, ventilatión og aircondition. Hann hevur sína egnu fyritøku og veitir ráðgeving innan byggi- og verkætlanarleiðslu, umframt orku- og umhvørvisráðgeving.