2-daga skeið um BK17 - Galdandi byggireglugerð

1. januar 2017 var nýggj byggireglugerð sett í gildi í Føroyum. Hendan setir krøv til bygging av bygningum, tá tað snýr seg um staðseting, hædd, bjálving, innrætting og mong onnur viðurskifti. Tí verður boðið til skeið at seta seg inn í krøvini í BK17.

Málbólkur

Tey, sum arbeiða við byggimálsviðgerð, prosjekterandi, byggimeistarar, teknikarar og kommunur ið skulu umsita nýggju reglugerðuna og annars onnur áhugað. 

Endamál

At virka fyri, at umsóknir um byggiloyvi verða betri, so málsviðgerðin kann gerast greiðari og skjótari. Og ikki minst: at byggiarbeiði kann verða enn betri. 

Innihald

• Hvat er nýtt
• Hvat er ørðvísi
• Bjálving og orkuviðurskifti

Stuðul

Vitan, sum er eftirútbúgvingargrunnur undir Føroya Handverkarafelag/Landsfelag Handverkannna og Føroya Handsverksmeistara felag kann lata stuðul til skeiðið, um treytirnar fyri stuðli eru uppfyltar.

Undirvísari

Ragnar Mouritsen

Verkfrøðingur

Ragnar Mouritsen er útbúgvin verkfrøðingur frá Danmarks Tekniske Universitet. Hann hevur drúgvar royndir sum verkætlanarleiðari innan hita, ventilatión og aircondition. Hann hevur sína egnu fyritøku og veitir ráðgeving innan byggi- og verkætlanarleiðslu, umframt orku- og umhvørvisráðgeving.