Skeið í orkuforritinum Be15

1. januar 2017 var nýggj byggireglugerð sett í gildi í Føroyum. Hendan setir krøv til bygging av bygningum, tá tað snýr seg um orkukarmar. Tí verður boðið til skeið at seta seg inn í orkuforriti Be15.

Málbólkur

Tey, sum arbeiða við byggimálsviðgerð, prosjekterandi, byggimeistarar, teknikarar og kommunur ið skulu gera orkuútrokningar sambært nýggju byggireglugerðini og annars onnur áhugað. 

Endamál

At virka fyri, at orkukarmurin fylgir bygningskunngerðini. 

Innihald

• Orkukrøv í samband við nýbygging
• Gjøgnumgongd av forritinum
• Bjálving og orkuviðurskifti

Annað

Neyðugt er at hava egna teldu við.
Vit hava licens til orkuforriti Be15 og áðrenn skeiðið byrjar, senda vit luttakarunum neyðugu upplýsingarnir fyri at kunna downloada orkuforriti á telduna. Hetta má gerast áðrenn skeiðið byrjar.       

Stuðul

Vitan, sum er eftirútbúgvingargrunnur undir Føroya Handverkarafelag/Landsfelag Handverkannna og Føroya Handsverksmeistara felag kann lata stuðul til skeiðið, um treytirnar fyri stuðli eru uppfyltar.

Reglugerðin fyri Vitan og umsóknarblað er viðheft niðanfyri.

Undirvísari

Ragnar Mouritsen

Verkfrøðingur

Ragnar Mouritsen er útbúgvin verkfrøðingur frá Danmarks Tekniske Universitet. Hann hevur drúgvar royndir sum verkætlanarleiðari innan hita, ventilatión og aircondition. Hann hevur sína egnu fyritøku og veitir ráðgeving innan byggi- og verkætlanarleiðslu, umframt orku- og umhvørvisráðgeving.