Kloakkering

Í samband við gerð ella endurnýggjan av kloakk, er umráðandi at arbeiðið verður gjørt á rættan hátt og í samsvar við galdandi reglur.

Málbólkur

Skeiðið er ætlað prosjekterandi, byggimálsviðgerðum, arbeiðstakarum og byggiharrum.

Endamál

Endamálið við skeiðinum er at lýsa galdandi lógir og útinnan av kloakkskipan í samband við bygging.

Innihald

• Lógir og normar. Luttakarin fær kunnleika innan tilfar, samlihættir, brunnar og íbindingarmøguleikar til nýggjar og verandi kloakkir.
• Prosjektering. Luttakarin verður førur fyri at útinna vanligar loysnir í samsvar við lógir og normar. Komið verður stutt inn á útrokningarhættir (promillurokning) av falli.
• Útinnan av kloakkskipan. Luttakararnir fáa uppgávur at tekna sethús og smærri virkir og útrokna (dimensionera) einkultar kloakkir.

Undirvísari

Harley Joensen

Byggi- & prosjektleiðari – Byggifrøðingur

Harley Joensen hevur PBA í Byggifrøði frá VIA Horsens í 2009, er útbúgvin kloakkmeistari frá VIA Horsens í 2010 og útbúgvin húsasmiður hjá sp/f Timbra í Fuglafirði í 2000. Hann hevur drúgvar arbeiðsroyndir, bæði úr Føroyum og Týsklandi. Harumframt hevur hann royndir á teknistovu og innan entreprenørvirksemi og royndir við undirvísing av byggiteknikarum á Glasi. Hann hevur arbeitt sum byggi- & prosjektleiðari hjá SNA sp/f síðan 2011 og fram til 2022. Ídag arbeiðir hann í Fuglafjarðar kommuni, har hann er prosjektleiðari og málsviðgeri.