Ávaring

Tú missir tað, tú júst hevur tøppa inn.
Ynskir tú at sløkkja?

Ja
Nei
Skeiðið kann umbiðast

Grundskeið í MIG/MAG sveising

Hetta skeiðið er ikki á skránni. Her kanst tú boða frá, um skeiðið hevur tín áhuga. Skeiðið verður fyriskipað, treytað av nøktandi luttøku. Fráboðanin er óbindandi.

Umbið skeið

Allastaðni innan maskin, skipasmíð og framleiðslu er tørvur á fólki, ið eru før fyri at sveisa við MIG/MAG. Ein góður sveisari kann fáa nógvar uppgávur ymsastaðni, eisini uttanlanda.

MÁLBÓLKUR

Skeiðið hjálpir luttakaranum at nøkta grundleggjandi krøv til førleika í vinnuni og bøtir um møguleikarnar hjá tí einstaka at fáa útbúgving ella arbeiði.

ENDAMÁL

Endamálið við skeiðnum er at læra á grundleggjandi støði um MIG/MAG sveising, sveisiteori, umhvørvi, trygd og nýtslu av tólum.

INNIHALD 

Á skeiðnum lærur luttakarin, aftaná kunning og vegleiðing, at gera brúk av MIG/MAG sveising og kann sveisa kant- og stumpseym í plátu eftir DS/EN 287-1 W01 og W02 CMn-stál, 3 – 6 mm í hesum sveisistøðum:

  • PA ~ kantseym liggjandi
  • PG ~ kantseym fallandi
  • PB ~ kantseym standandi
  • PA ~ stumpseym niðurá
  • PG ~ stumpseym lodrætt fallandi

Allar sveisiuppgávurnar hava støði í vegleiðingum eftir galdandi DS/EN/ISO standard.

Luttakarin verður eisini kunnaður um viðurskifti, ið hava tíðning fyri sveising: tilsetingarevnir m.a. sveisifeilir og eftirlitshættir, ymisk sløg av fugum, umhvørvið og trygd, og góðkenning (certificering) av sveisarum.

Allar sveisiuppgávur skulu samsvara við galdandi DS/EN/ISO standardar fyri visuella døming av sveisiroyndum.

EFTIRMETING

Skeiðið endar við eftirmeting av arbeiðinum og undirvísingini. 

Metinging hjá undirvísaranum um luttakarin hevur evnir at sveisa MIG/MAG leggur støði undir um luttakarin hevur ”Staðið” ella ”Ikki staðið”. Luttakarin fær síðani skeiðsváttan.

Hetta skeiðið er ikki á skránni. Her kanst tú boða frá, um skeiðið hevur tín áhuga. Skeiðið verður fyriskipað, treytað av nøktandi luttøku. Fráboðanin er óbindandi.

Umbið skeið

Onnur skeið