Grundleggjandi ventilatiónsskeið 26. juni 2025

MÁLBÓLKUR

Byggifrøðingar, byggimálsviðgerðarar, byggimeistarar, ráðgevarar, teknikarar og annars húsavørðir, ið hava tørv á grundleggjandi ventilatiónskunnleika.

ENDAMÁL

Endamálið við skeiðnum er, at geva luttakarunum eina grundleggjandi fatan av ventilatión, inniklima og orkunýtslu í bygningum.

INNIHALD

• Hví ventilatión? Inniluft, heilsuávirkan og tørvur á luftskifti í ymiskum bygningum.
• Lógir og normar. Kunnleika um galdandi reglur og krav til ventilatión, t.d. BK17, DS-normar og Arbeiðseftirlitinum.
• Ymiskar ventilatiónsskipanir. Mekanisk, natúrlig og hybrid ventilatión. Fyrimunir, vansar og nýtsluøki.
• Tilfar, lutir og skipanir. Gjøgnumgongd av ventilatiónsskipanum, tilfari, ventilatorar, ljóðfellur, filter osfr.. Nær, hvat og hví.
• Uppbygnaður og prosjektering. Luttakarin verður førur fyri at skilja grundleggjandi ventilatiónsloysnir. Útrokningarhættir fyri luftmongdir og luftskifti verður gjøgnumgingið. Við rakstur og  viðlíkahald verður tryggja, at skipanin riggar yvir tíð. 
• Praktisk. Hyggja eftir ventilatiónsskipanini á Glasi, skifta filtur og gera smáar uppgávur.

Undirvísari

Ragnar Mouritsen

Verkfrøðingur

Ragnar Mouritsen er útbúgvin verkfrøðingur frá Danmarks Tekniske Universitet. Hann hevur drúgvar royndir sum verkætlanarleiðari innan hita, ventilatión og aircondition. Hann hevur sína egnu fyritøku og veitir ráðgeving innan byggi- og verkætlanarleiðslu, umframt orku- og umhvørvisráðgeving.

Luttakandi siga:

Hallur Joensen, elektrikari, EL.FO: Væl greitt frá. Einfalt og gott, serliga gott fyri ein ventilatións amatør sum meg 🙂

Jan Erik Fjallstein, Servis-tøkningur, Klima: Alt frálíkt