Grundskeið í TIG sveising

Allastaðni innan maskin, skipasmíð og framleiðslu er tørvur á fólki, ið eru før fyri at sveisa við TIG. Ein góður sveisari kann fáa nógvar uppgávur ymsastaðni, eisini uttanlanda.

MÁLBÓLKUR

Skeiðið hjálpir luttakaranum at nøkta grundleggjandi krøv til førleika í vinnuni og bøtir um møguleikarnar hjá tí einstaka at fáa útbúgving ella arbeiði.

ENDAMÁL

Endamálið við skeiðnum er at læra, á grundleggjandi støði, um TIG-sveising, sveisiteori, umhvørvi, trygd og nýtslu av tólum. Luttakarin lærir at TIG sveisa kant- og stumpseym á grundleggjandi støði og at innstilla sveisiútgerðina í samsvar við forskriftirnar. Eisini lærir luttakarin reglur viðvíkjandi trygd og umhvørvi í samband við TIG sveising.

INNIHALD 

Luttakarin arbeiðir við at sveisa kant- og stumpseym í plátu á grundleggjandi støði (proces 141) í tilfarsbólki W01, W02, W04 og W11 sambært DS/EN 287-1.

Eisini fær luttakarin ástøðiliga vitan um trygd og umhvørvið, sveisiháttir og úgerð.
Luttakarin arbeiðir ástøðiligt og verkligt við fylgjandi sveisiháttum:

• BW-P-PA ~ hornaseym við/uttan spaltu
• BW-P-PA ~ stumpseym I-fuga
• BW-P-PC ~ stumpseym I-fuga
• FW-P- PB ~ kantseym standandi

Allar sveisiuppgávurnar skullu samsvara við galdandi DS/EN/ISO standardar fyri visuella døming av sveisiroyndum.

EFTIRMETING

Skeiðið endar við eftirmeting av arbeiðinum og undirvísingini. 

Metingin hjá undirvísaranum um luttakarin hevur evnir at sveisa TIG/MAG, leggur støðið undir um luttakarin hevur ”Staðið” ella ”Ikki staðið”. Luttakarin fær síðani skeiðsváttan.