Rørinstallering

Arbeiðsøkið fyri rørinnstallatión fevnir fyri tað mesta um alt, ið hevur við vatn, hita og frárensl at gera, bæði í nýbygging og umvælingar høpi.

ENDAMÁL

Skeiðið miðar ímóti at hjálpa luttakaranum at nøkta tey grundleggjandi krøvini til førleika í vinnuni og bøta um møguleikarnar hjá luttakaranum at fáa útbúgving ella arbeiði.

Endamálið við skeiðnum er, at luttakarin aftaná lokið skeið, kann hjálpa til við øllum vanligum rørinnstallatiónsarbeiði.

INNIHALD 

Skeiðið viðger m.a. hesi evni:

• arbeiði við tilskapan, viðgerð og bukking av rørum, ið eru miðaltjúkk, rustfrí og tunnveggja, umframt alupex og koparrør
• útrokning av skerimátum og bukkimátum við atliti til eginleikarnar á ymiskum metallum, fittings og amboðum
• arbeiði við viðkomandi samlingum, m.a. rørgevind, bleytlodding, harðlodding og øðrum samlingum á stál-, kopar- og alupexrørum
• tilskapan og montering av frárenslrørum, samlingum og faconstykkum úr plastik

EFTIRMETING

Skeiðið endar við eftirmeting av arbeiðinum og undirvísingini. Luttakarin fær skeiðsváttan.