Innanhýsis Leiðslumenningar- tilgongd

Okkara kundar leggja alsamt  meira dent á at fáa eina tænastu, ið er sett saman í tøttum samstarvi við Skeiðsdepilin. Á leiðslumenningarøkinum hava vit góðar royndir at seta saman eina leiðslumenningartilgongd, ið sameinar  tann verkliga og tann ástøðiliga partin innan leiðslu.

Leiðslumenningartilgongdin verður ment í tøttum samstarvi við tína fyritøku ella tín stovn, og støði verður tikið útfrá tykkara tørvi og ynskjum. Ein tílík leiðslumenningarætlan verður gjøgnumførd sum eitt innanhýsis menningartiltak við sersnikkaðum leiðsluverkstovum, og gevur tí møguleika at arbeiða við tykkara ítøkuligu avbjóðingum, soleiðis at úrtøkan verður enn betri.

Royndir okkara vísa, at hendan samanseting av einari málrættaðari leiðslumenningartilgongd gevur ítøkiliga úrtøku so hvørt, sum tilgongdin fer fram. Leiðararnir arbeiða við teirra dagligu avbjóðingum og málum, og fáa harvið førleikament seg á staðnum at loysa hesar avbjóðingar.

Møgulig evni í leiðslumenningartilgongdini kunnu td. vera: Strategisk leiðsla, Persónlig leiðsla, Starvsfólkaleiðsla, Toymisleiðsla, Broytingarleiðsla, Verkætlanarleiðsla, Samstarv og Samskifti.

Tilgongdin  verður sett saman í modulum við hóskandi millumbili, og longdin av hvørjum modulið verður ásett eftir nærri avtalu við fyritøkuna/kundan.

Set teg í samband við Skeiðsdepilin, so finna vit í felag leiðslumenningartilgongdina, ið hóskar tykkum best.

Undirvísari

Steinbjørn Hardlei

Undirvísari

Steinbjørn er 54 ára gamal. Hann er útbúgvin cand. ocean í virkisbúskapi á universitetinum í Århus við denti á strategiska leiðslu, starvsfólkaleiðslu og broytingarleiðslu. Steinbjørn hevur altjóða leiðsluútbúgving innan organisatiónsmenning, virkissálarfrøði og coaching. Hann hevur hollar royndir sum undirvísari í leiðslu á hægri námi á Glasi, umframt 25 ára leiðsluroyndir innan føroyskar fyritøkur og stovnar. Harumframt hevur Steinbjørn drúgvar royndir at leiða og fremja menningar- og broytingarverkætlanir innan Strategi, HR og Organisatión. Steinbjørn eigur og rekur ráðgevingarfyritøkuna Hardlei Consult, ið veitir stovnum og fyritøkum fakliga og verkliga hjálp at menna teirra arbeiðspláss gjøgnum leiðslu- og starvsfólkamenning.