Dreying og fresing

Innan framleiðslu og á verkstøðum um alt landið, verður arbeitt við dreying og fresing. Arbeiðið umfatar fyri tað mesta tilvirkan av ymiskum lutum í samband við umvælingar- arbeiði og framleiðslu.

Málbólkur

Skeiðið hjálpir luttakaranum at nøkta grundleggjandi krøv til førleika í vinnuni og bøtir um møguleikarnar hjá tí einstaka at fáa útbúgving ella arbeiði.

Endama´l

Endamálið við skeiðnum er, at luttakarin eftir vegleiðing, við hjálp av dreying og fresing, verður førur fyri at gera smærri framleiðslu- og umvælingararbeiði.

Endamálið við skeiðnum er at luttakarin gerst førur fyri at dreya innanfyri 0,1mm toleransu í plan- longs og konusdreying og at fresa innanfyri 0,1mm toleransu í vanligum fresiuppgávum.

Innihald

• Ástøði, umhvørvi og trygd 7½ tíma (18,75%) Undirvíst verður í umhvørvi á einum maskinverkstaði við atliti til skeriolju, inniluft og roterandi spóntøku. Arbeitt verður við lesing av DS/ISO arbeiðstekningum og brúk av skjótilæru og mátiuri. Luttakarin verður undirvístur í brúk av dreyibonki og fresara.
• Dreyitøkni verkligt 16 tímar (40%) Arbeitt verður við at uppspenna í trýklógv, dreya við pinol, stilla stál í rætta skerihædd og at brúka vangastop.
• Fresing verkligt 16 tímar (40%) Arbeitt verður við at rætta skrúvustikku rokna snúningstal og tilspenning til skrub og slætt fresing, og somuleiðis, at brúka viðkomandi mátitól.
• Eftirmeting ½ tíma (1,25%)

Skeiðið endar við eftirmeting av arbeiðinum og undirvísingini.