Armering

Armering er ein tíðandi partur í øllum betongbyggaríði og er við til at geva tí berandi partinum styrki. Fyri at lúka hesar treytir er tað tíðandi, at armeringin er rætt ísett. Livitíðin á bygninginum er treytað av at armeringin er gjørd rætt og vard í tí liðna byggaríðnum.

MÁLBÓLKUR

Skeiðið er ætlað royndum og óroyndum innan økið og er ætlað at hjálpa luttakaranum at nøkta grundleggjandi krøv til førleika í vinnuni og bøtir um møguleikarnar hjá tí einstaka at fáa útbúgving ella arbeiði.

ENDAMÁL

Endamálið við skeiðnum er at geva luttakaranum eina holla vitan um armering, soleiðis at hann gerst førur fyri at samstarva í uppgávum í samband við armering í fundamentum, veggum, soylum, bjálkum og dekki.

INNIHALD 

Undirvíst verður í grundleggjandi vitan um eginleikarnar á jarnbetongi, trekk og trýstviðurskiftir, ymisk sløg av armeringum, krøvum til bukkidiametur, betongløgum, stødlongdum og ankring.

Luttakarin kann við støði í vitan um normkrøv og endamáli við armering í konstruktión:

• Tilevna og seta vanliga armering eftir tekning
• Kenna tey mest brúktu sløgini av armering, herundir at meta um stødlongdir og bukkidiametur við atliti til tekningar og normar
• Rokna klippilongdir til vanligar boylar og armeringar

EFTIRMETING

Skeiðið endar við eftirmeting av arbeiðinum og undirvísingini. Luttakarin fær skeiðsváttan.

Luttakarnir hava sjálvir heit og tøtt klæðir og gummistyvlar við.