Grundskeið í gass sveising

Allastaðni innan maskin, skipasmíð og framleiðslu er tørvur á fólki, ið eru før fyri at sveisa við gass. Ein góður sveisari kann fáa nógvar uppgávur ymsastaðni, eisini uttanlanda.

MÁLBÓLKUR

Skeiðið er ætlað at hjálpa einstaklingum at nøkta grundleggjandi krøv til førleika í vinnuni og bøta um møguleikarnar hjá luttakaranum at fáa útbúgving ella arbeiði.

ENDAMÁL

Endamálið við skeiðnum er at læra reglur viðvíkjandi trygd og umhvørvi í samband við sveising, og á grundleggjandi støði um gass sveising, sveisiteori, umhvørvi og trygd og nýtslu av tólum. 

Luttakarin lærir eisini at sveisa stumpseym í rør á grundleggjandi støði, og at innstilla sveisiútgerðina í samsvar við forskriftirnar.

INNIHALD 

Á skeiðnum lærir luttakarin at sveisa við oxygen og acetylen í ólegeraðum stáli í fylgjandi støðum:

  • FW - Hornaseymur
  • FW - Kantseymur
  • BW – Tunnpláta
  • BW - Rørsveising

Luttakarin verður eisini kunnaður um viðurskifti, ið hava týðning fyri sveising: tilsetingarevnir, sveisifeilir og eftirlitshættir, ymisk sløg av fugum, umhvørvið og trygd, og góðkenning (certificering) av sveisarum.
Allar sveisiuppgávurnar skullu samsvara við galdandi DS/EN/ISO standardar fyri visuella døming av sveisiroyndum.
Eftir lokið skeið hevur luttakarin fingið motoriskan og fakligan førleika á byrjunarstøði innan gass sveising av kantseymi og stumpseymi í plátu og rør.

EFTIRMETING

Skeiðið endar við eftirmeting av arbeiðinum og undirvísingini. Luttakarin fær skeiðsváttan.


Hetta skeiðið er ikki á skránni. Her kanst tú boða frá, um skeiðið
hevur tín áhuga. Skeiðið verður fyriskipað, treyta av nøktandi
luttøku. Fráboðanin er óbindandi.

Komandi skeið

Fá tíðindabrøv

Ynskir tú at fáa kunning tá nýggj skeið eru á skránni og annað líknandi, so kanst tú skriva teg upp til at móttaka tíðindabrøv frá okkum niðanfyri




Tíðindi

Grundleggjandi leiðsluskeið í Suðuroy  16-Dec-2016

Frá vinstru: Daimi Kjærbo, Fróði Mortensen, Jón Guttesen, Eyðbritt Krosslá, Beinta Virgarsd&oacu...

INNANHÝSIS LEIÐSLUMENNINGARTILGONGD  11-Apr-2014

Innanhýsis Leiðslumenningartilgongd Okkara kundar leggja alsamt meira dent á at fáa eina tænastu, ið er sett s...

ENDURNÝGGJAN AV SVEISISERTIFIKAT  30-Aug-2013

Endurnýggjan av sveisisertifikat verður gjørd eftir avtalu og í samstarvi við Norsk Veritas. Luttakaragjaldið er ...





Luttakandi siga

Um Prosjektleiðaraskeiðið 

Skeiðið í projektleiðslu er heilt vist besta skeiðið eg havi verið á í mínum virkna abeiðslívi, ikki minst at takka frálíku skeiðshaldarunum fyri.

Skeiðið gevur innlit í týdningarmiklar mannagongdir, metodir og vegleiðingar fyri at fáa projektið at eydnast, og ikki minst fellur, ið kunnu forkoma projektinum. 

Mortan Simonsen, ráðgevi í Fíggjarmálaráðnum

Um Skeiðsdepilin

Skeiðsdepilin arbeiðir við eftir- og víðariútbúgving á Glasi í Tórshavn. Vit vilja geva tær neyðuga førleikan at fremja tey verk, sum tú hevur sett tær fyri.

Les meira