Telefontænasta 

Er títt arbeiði at taka telefonina?

- telefonteknikkir til truplar samrøður

Intensivt 2-daga skeið

Skeiðið er ætlað til starvsfólk í telefonavgreiðslum, sum aloftast hava fyrsta sambandið við viðskiftafólkini - fyrsta røddin. Hesi starvsfólkini hava avgerandi ávirkan á upplivingina hjá viðskiftafólkinum av fyritøkuni ella stovninum.

Hvat fært tú burturúr skeiðnum? Á skeiðnum fært tú styrkt tínar førleikar til at taka telefonina soleiðis, at viðskiftafólkini fáa eina góða uppliving, og at tú sum starvsfólk verður vart móti samrøðum, sum fara illa við sjálvsvirðinum og sjálvsálitinum.

Evni á skeiðnum

• Eyðkenni við telefonavgreiðslum
• Røddin sum amboð
• Atferðartypir
• Spurnarteknikkir
• Nærvera og tørvurin hjá viðskiftafólkinum
• At tillaga seg móttakaran
• Ábyrgd og álit

§ At vera til staðar

• Amboð til at fyribyrgja og handfara truplar avgreiðslur
• At seta seg í støðuna hjá viðskiftafólkinum 
• Uppbyggjandi samskifti
• Persónlig handliætlan

Viðskiftafólkini eggja 

Tað er skjótt, at telefonsamrøður taka orkuna í arbeiðsdegnum. Truplar samrøður kunna tyngja arbeiðslívið. Hinvegin vísa kanningar, at nøgd viðskiftafólk geva størri motivatión, enn leiðarar kunna geva. Áhugin og viljin kemur, tá starvsfólk merkja, at teirra arbeiði ger mun, og viðskiftafólki vísir sítt nøgdsemi.

Spyr so svara.. 

Á skeiðnum lærur tú, at mátin, spurt verður ávirkar møguleikarnar í samrøðuni, eitt nú um munin ímillum at spyrja opnar og lukkaðar spurningar. Eisini fært tú amboð til at stýra røddini í trongdum støðum og tilvitan um, at tónalag og styrki á røddini kunna vera avgerandi.

Amboð til truplar støður 

Góð telefontænasta er ein týdningarmikil førleiki, men tað er krevjandi at handfara øll við sama yvirskoti. Málið við skeiðnum er at fáa amboð til at fyribyrgja og handfara truplar støður. 

Undirvísingarháttur

Skift verður millum ymsar arbeiðshættir á skeiðnum. Undirvísingarhátturin er ástøðiligur og praktiskur. Støði verður tikið í føroyskari mentan, og í egnum royndum hjá luttakarunum.