Ráðgeving og góður bankasiður

ENDAMÁL

Peningastovnar og "finansielle virksomheder" skulu, tá teir ráðgeva privatkundum, fylgja reglunum um góðan sið. Tað er Fíggjareftirlitið, sum hevur eftirlit við hesum. Endamálið við skeiðnum er at kunna luttakararnar um krøvini um góða ráðgeving í viðurskiftum viðvíkjandi priovatkundum, ið sett verða peningastovnum sambært lóggávuni. Dentur verður serliga lagdur á góða ráðgeving samsvarandi krøvunum og fyribyrgja at feilir henda.

MÁLBÓLKUR

Skeiðið er ætlað starvsfólkum, ið starvast á privatkundadeildum í peningastovnum og sum vilja dagføra sína vitan. Starvsfólk og annars onnur sum eru áhugaði í hesum evninum og sum ikki hava nakra ástøðiliga útbúgving ella royndir á økinum, kunnu eisini luttaka á skeiðnum.

INNIHALD

Eitt nú hesi evni verða gjøgnumgingin:

• almennu reglurnar um góða ráðgeving og góðan sið
• krøvini um, og í hvønn mun, avtalur skulu verða skrivligar
• reglurnar um uppsøgn av og broytingar av treytum, eitt nú rentum á inn- og útlánum og viðskiftatreytum annars
• reglurnar um marknaðarføring
• ráðgeving við grundarlagi í meginregluni um "kenn tín kunda"
• serligu reglurnar fyri lán við veð í fastogn

Nomið verður eisini við reglurnar um ráðgevaraábyrgd og møguleikarnar og mannagongdina fyri at klaga.

UNDIRVISINGARHÁTTUR 

Grundarlagið undir undirvísingini verður í høvuðsheitum ein gjøgnumgongd av dómum (rættarpraksis) og úrskurðum frá Peningastovnskærunevndini (Pengeinstitutankenævnet) Undirvísingin verður skipað sum fyrilestur og kjak. Eisini verður uppgávu- og bólkaarbeiði, har luttakarar fáa høvi til at royna reglurnar í verki.