Effektivir Fundir  - við rúm fyri Kreativiteti  

9 av 10 uppliva spilltíð á fundum Hvussu nógva tíð brúkar tú á fundum og hvat kemur burturúr? Hevur tú ongantíð sitið við kensluni "Hví eri eg við á hesum fundi?" ella "hettar tosaðu vit um á seinasta fundi og ein greið niðurstøða varð tikin, so hví kemur málið fyri aftur nú?" Kanning vísir, at 9 av 10 uppliva spilltíð á fundum, og tað kann skapa strongd, tá aðrar uppgávur liggja og bíða, og tíðin fer til nyttuleysar fundir. 

Kreativitetur - ongantíð ov nógv samskifti Tá starvsfólk kenna seg ótryggan og missa motivatiónina, er orsøkin aloftast væntandi samskifti. Tað er ongantíð ov nógv samskifti, og fundir kunnu tryggja kunning og fyribyrgja ósemjum. Eisini er tað í samskiftinum millum menniskju, at hugskot koma og vitanin verður fleirfaldað. Tað er neyðugt at hava fundir, men eins neyðugt er tað, at fundirnir viðvirka til at skapa dynamikk og framgongd. Á skeiðnum verður arbeitt við at hava fundir, sum við kreativiteti stuðla uppundir broytingum og framburði.

Kaffi er ok, men... Kenna tit tað aftur, at sjálvt við væl skipaðum mannagongdum, fundarinnkalling, kaffi á borðinum og fundarfrásøgn, so kemur lítið og einki burturúr fundunum? Støðan er vælkend, eitt orð tekur annað og brádliga er tíðin ikki bara farín, men eisini fokus og endamálið við fundinum.

Málbólkur

Skeiðið er ætlað leiðarum og starvsfólkum, ið hava ábyrgd av, og/ella regluliga luttaka á fundum. 

Endamál

Endamálið við skeiðnum er, at geva luttakararnar amboð til at skapa framgongd og úrslit á fundum, soleiðis at luttakararnir eru førir fyri at avgreiða ein fund skjótt og væl, samstundis sum úrtøkan av fundinum verður nógv betur.

Innihald

Hetta læra tit: 

  • Fundarstigini
  • At taka burt tíðarrænarar
  • At skapa ró og fokus
  • Teknikkir at tryggja avgerðir á fundum
  • Atgerðar- og metastøði
  • kreativitetur og innovatión
  • Teknikkir at seta í gongd og halda áhuganum
  • At gera hugskot og niðurstøður ítøkilig og brúkilig
  • Status og fokus
  • Afturmeldingar og uppfylging
    Øll luttaka Hvussu kunnu tey, som tosa nógv fylla minni, og tey, sum eru friðarlig luttaka og koma til orðanna? Flestu av okkum - kanska øll, hava verið á fundum, har tað eru tey fáu, sum tosa og luttaka. Á skeiðnum verður arbeitt við at hava fundir, har øll luttaka virki við hugskotum og meiningum.

"Skulu vit siga, at hetta er tað?" So er tað løtan, tá fundurin er um at enda, tað verður longri millum, at fólk taka orðið og fólk hyggja spyrjandi um seg, og so verður sagt "Skulu vit siga, at hettar var tað?". Fundarfólkini fara hvør til sítt og ógreitt er, hvat komið er burturúr fundinum. Á skeiðnum verður arbeitt við ítøkiligum teknikkum og amboðum at tryggja greidleika frá byrjan, og endað verður við uppfylging aftaná, at fundurin er lokin.

Hetta skeiðið er ikki á skránni. Her kanst tú boða frá, um skeiðið
hevur tín áhuga. Skeiðið verður fyriskipað, treyta av nøktandi
luttøku. Fráboðanin er óbindandi.

 

 

 

Komandi skeið

Fá tíðindabrøv

Ynskir tú at fáa kunning tá nýggj skeið eru á skránni og annað líknandi, so kanst tú skriva teg upp til at móttaka tíðindabrøv frá okkum niðanfyri




Tíðindi

Grundleggjandi leiðsluskeið í Suðuroy  16-Dec-2016

Frá vinstru: Daimi Kjærbo, Fróði Mortensen, Jón Guttesen, Eyðbritt Krosslá, Beinta Virgarsd&oacu...

INNANHÝSIS LEIÐSLUMENNINGARTILGONGD  11-Apr-2014

Innanhýsis Leiðslumenningartilgongd Okkara kundar leggja alsamt meira dent á at fáa eina tænastu, ið er sett s...

ENDURNÝGGJAN AV SVEISISERTIFIKAT  30-Aug-2013

Endurnýggjan av sveisisertifikat verður gjørd eftir avtalu og í samstarvi við Norsk Veritas. Luttakaragjaldið er ...





Luttakandi siga

Um Prosjektleiðaraskeiðið 

Skeiðið í projektleiðslu er heilt vist besta skeiðið eg havi verið á í mínum virkna abeiðslívi, ikki minst at takka frálíku skeiðshaldarunum fyri.

Skeiðið gevur innlit í týdningarmiklar mannagongdir, metodir og vegleiðingar fyri at fáa projektið at eydnast, og ikki minst fellur, ið kunnu forkoma projektinum. 

Mortan Simonsen, ráðgevi í Fíggjarmálaráðnum

Um Skeiðsdepilin

Skeiðsdepilin arbeiðir við eftir- og víðariútbúgving á Glasi í Tórshavn. Vit vilja geva tær neyðuga førleikan at fremja tey verk, sum tú hevur sett tær fyri.

Les meira