At søkja arbeiði - ALS-S

MÁLBÓLKUR

Skeiðið er ætlað øllum teimum, sum annaðhvørt halda tað vera trupult at skriva eina umsókn og fara til setanarsamrøðu ella teimum, sum væl kundu hugsað sær at blivið enn betri til tess.

ENDAMÁL

Tá ein gerst arbeiðsleys/ur er oftast neyðugt at skriva umsóknir og fara til samrøðu, til tess at fáa eitt nýtt starv.

Á skeiðnum verður dentur tí lagdur á, at skeiðsluttakarin gerst før/ur fyri at skriva eina umsókn og fær venjing í, hvussu ein ger, tá ein skal til setanarsamrøðu.

FYRITREYTIR HJÁ SKEIÐSLUTTAKARUNUM

Flestu arbeiðsgevarum dáma best at fáa skrivligar umsóknir, sum eru skrivaðar á teldu. Tí fáa skeiðsluttakararnir eisini venjing í hesum. Um so er, at tú ikki ert von/vanur við at nýta teldu, er tað eingin trupulleiki. Skeiðshaldararnar hjálpa tær, so tú nýtist ikki at aftra teg av teirri orsøk.

Sigast skal, at væntandi verður nakað av heimaarbeiði hjá skeiðsluttakarunum.

Heitt verður á tykkum um undan skeiðnum at skriva niður, hvørja skúlagongd, útbúgving/skeið og arbeiðsroyndir tit hava. Um tit ávís tíðarskeið hava havt sjálvboðið arbeiðið so sum: nevndararbeiði, í foreldraráðum, ítrottarfeløgum o.s.fr so skrivið eisini hettar niður.

Skeiðið skiftir millum teori og praksis. Tað vil siga, at skeiðshaldararnar greiða frá og skeiðsluttakararnar gera venjingar - bæði í bólkum og sjálvstøðugt.

SKRÁ

Dagur 1 - Dreymar og visjónir

Hvat starv kundi eg hugsað mær, og hvussu finni eg rætta starvið? Eisini fara vit í holt við at skriva CV (Curriculum Vitae).

Dagur 2 - Umsóknin

Hvat er ein góð umsókn? Hvussu geri eg eina góða umsókn?

Dagur 3 - Setanarsamrøður

Hvussu fyrireiki eg meg, og hvussu fer setanar-samrøðan fram?

Dagur 4 (eina viku seinni) - Umsóknin skal gerast liðug

Vit tosa um, hvagar skal sendast og taka samanum


Hetta skeiðið er ikki á skránni. Her kanst tú boða frá, um skeiðið
hevur tín áhuga. Skeiðið verður fyriskipað, treyta av nøktandi
luttøku. Fráboðanin er óbindandi.

Komandi skeið

Fá tíðindabrøv

Ynskir tú at fáa kunning tá nýggj skeið eru á skránni og annað líknandi, so kanst tú skriva teg upp til at móttaka tíðindabrøv frá okkum niðanfyri




Tíðindi

Grundleggjandi leiðsluskeið í Suðuroy  16-Dec-2016

Frá vinstru: Daimi Kjærbo, Fróði Mortensen, Jón Guttesen, Eyðbritt Krosslá, Beinta Virgarsd&oacu...

INNANHÝSIS LEIÐSLUMENNINGARTILGONGD  11-Apr-2014

Innanhýsis Leiðslumenningartilgongd Okkara kundar leggja alsamt meira dent á at fáa eina tænastu, ið er sett s...

ENDURNÝGGJAN AV SVEISISERTIFIKAT  30-Aug-2013

Endurnýggjan av sveisisertifikat verður gjørd eftir avtalu og í samstarvi við Norsk Veritas. Luttakaragjaldið er ...





Luttakandi siga

Um Prosjektleiðaraskeiðið 

Skeiðið í projektleiðslu er heilt vist besta skeiðið eg havi verið á í mínum virkna abeiðslívi, ikki minst at takka frálíku skeiðshaldarunum fyri.

Skeiðið gevur innlit í týdningarmiklar mannagongdir, metodir og vegleiðingar fyri at fáa projektið at eydnast, og ikki minst fellur, ið kunnu forkoma projektinum. 

Mortan Simonsen, ráðgevi í Fíggjarmálaráðnum

Um Skeiðsdepilin

Skeiðsdepilin arbeiðir við eftir- og víðariútbúgving á Glasi í Tórshavn. Vit vilja geva tær neyðuga førleikan at fremja tey verk, sum tú hevur sett tær fyri.

Les meira