Coaching

- tann nýggi leiðsluhátturin

Skeið fyri leiðarar, sum vilja menna seg við coaching

Leiðsla, ið er grundað á coaching, kann styrkja munandi um leiðslu úrtøkuna. Við coaching teknikkinum økist ferðin á leiðslu íkastinum til úrslitaskapanina hjá fyritøkuni. Røttu sløgini av spurningum fremja motivatiónina, úrslitaskapanina, o.s.fr. hjá starvsfólkunum. Coaching tekur m.a. støði í, at starvsfólkini finna og styrkja egnu førleikar – og samstundis fáa íblástur til at taka fyrsta stigið í fleiri arbeiðsuppgávum.

Málbólkur

Skeiðsdepilin bjóðar coaching skeið til leiðarar: bæði innan privat og almenn virkir og stovnar.

Endamál

Endamálið við skeiðnum er, at luttakarin fær innlit í fyritreytirnar fyri eini væleydnaðari coaching. Leikluturin sum coach kann lærast, og umsetast til praksis. Luttakararnir fáa feedback aftur uppá egnan coaching hátt. Við coaching skeiðnum mennast evnini til at samskifta, samstarva og motivera, soleiðis at arbeiðið gerst munadyggari og úrslitini fáast skjótari í hús. Coaching teknikkurin birtur uppundir ein nýggjan dynamik, sum ber í sær, at starvsfólk og toymi í størri mun, arbeiða av egnari megi og motivatión.

Háttur

Tað verður arbeitt við venjingum og uppgávum, sum verða gjørdar saman við einum ella fleiri av hinum luttakarunum. Luttakarin má verða sinnaður at tosa um egnar royndir úr gerandisdegnum og vilja venja ymisku leiklutirnar og sløgini av coaching.

Longd

Skeiðið fevnir um tríggjar dagar: Fyrst tveir dagar á rað, og eftir uml. fýra vikum kemur seinasti skeiðdagurin.

Innihald

• Lýsing av coaching sum leiðsluamboð
• Mynd av arbeiðsstíli
• Ymisk sløg av coaching
• Samskifti í samband við leiðsluuppgávuna
• Samrøður við aðrar leiðarar um arbeiðsroyndir

Í STUTTUM

Vit stytta coaching skeiðið til stavirnar COÚ.

Fyrispurningar kunnu sendast til info@sd.fo.