Persónsupplýsingarlógin 

MÁLBÓLKUR

Skeiðið er serliga ætlað teimum, sum dagliga starvast í almennari ella kommunalari umsiting og á hendan hátt koma í samband við persónsupplýsingarlógina.

ENDAMÁL

Endamálið við skeiðnum er at geva skeiðsluttakarunum innlit í, hvørji krøv persónsupplýsingarlógin setir til viðgerð av persónsupplýsingum, og at gera luttakararnar førar fyri at brúka lógina í dagliga arbeiðnum.

SKEIÐIÐ FEVNIR UM 

Lógin verður gjøgnumgingin og uppgávur verða loystar í bólkum. Dømi verða tikin frá føroyskum avgerðum á økinum, eisini verður komið inn á útlendskar avgerðir og dómar á økinum. Útgangsstøðið er persónsupplýsingarlógin, men komið verður eisini inn á aðra lóggávu á økinum t.d. revsilógina, lov om forbud mod privates tv-overvågning og mannarættindasáttmálan.

SERLIGA VERÐA HESI EVNI GJØGNUMGINGIN

Persónsupplýsingarlógin:

• Lógarøkið, ið lógin fevnir um
• Munurin millum vanligar og viðkvæmar persónsupplýsingar
• Krøv at viðgera persónsupplýsingar
• Persónstalið
• Flytan av upplýsingum til útlond
• Reglurnar um innlit og kunning
• Fráboðanarskylda til dátueftirlitið
• Loyvi at viðgera viðkvæmar persónsupplýsingar
• Uppgávurnar hjá dátueftirlitinum
• Reglurnar um KT-trygd

Eisini verður komið inn á nýggju reglurnar fyri vakmyndatól og hvussu ein kann ferðast tryggari á internetinum, t.d. á sosialum netverkum so sum Facebook v.m.

UNDIRVÍSINGARHÁTTUR

Undirvísingin verður skipað sum fyrilestur, kjak og bólkaarbeiði.