Alment starv 

ENDAMÁL

Ætlanin við skeiðnum er at geva luttakarunum grundleggjandi innlit í tey krøv, sum eru ásett í lóg og í siðvenjuni hjá dómstólunum og umboðsmonnunum, tá talan er um ávikavist at seta og siga fólk úr starvi innan almennu fyrisitingina. Eisini verður í ávísan mun hugt nærri at rættindum og skyldum hjá tí einstaka starvsfólkinum, herundir spurningunum um decorum, talufrælsi og loyalitetsskyldu.

MÁLBÓLKUR

Skeiðið er ætlað teimum, sum í dagliga yrki sínum fáast við starvsfólkamál innan almennu fyrisitingina, umframt øðrum, sum ynskja at fáa kunnleika til hesi viðurskifti. Ein ávísur kunnleiki til fyrisitingarrætt og starvsfólkafyrisiting er avgjørt ein fyrimunur, men ikki nøkur treyt fyri luttøku á skeiðnum.

INNIHALD OG FORMUR

Við grundarlagi í lóggávuni, serliga fyrisitingarrættinum, verða m.a. hesi evni viðgjørd:

  • Starvssetan (m.a. krøvini til starvslýsingina, málsfyrireiking og avgerðina)
  • Rættindi og skyldur undir setan (m.a. frítíð/hjástørv, decorum, talufrælsi, loyalitetur og tagnarskylda)
  • Ávaring og uppsøgn (m.a. krøvini til dokumentatión, proportionalitet, ætlanarskriv (partshoyring) og grundgeving – eisini verður hugt nærri at spurningunum um m.a. uppsagnaravtalur, rúsdrekkatrupulleikar, samstarvstrupulleikar, sjúku/fráveru og sparingar/bygnaðarbroytingar umframt ymisku avleiðingunum av uppsøgn)

UNDIRVISINGARHÁTTUR 

Undirvísingin verður skipað sum fyrilestur, kjak og uppgávu- og bólkaarbeiði.

Hetta skeiðið er ikki á skránni. Her kanst tú boða frá, um skeiðið
hevur tín áhuga. Skeiðið verður fyriskipað, treyta av nøktandi
luttøku. Fráboðanin er óbindandi.

Komandi skeið

Fá tíðindabrøv

Ynskir tú at fáa kunning tá nýggj skeið eru á skránni og annað líknandi, so kanst tú skriva teg upp til at móttaka tíðindabrøv frá okkum niðanfyri




Tíðindi

Grundleggjandi leiðsluskeið í Suðuroy  16-Dec-2016

Frá vinstru: Daimi Kjærbo, Fróði Mortensen, Jón Guttesen, Eyðbritt Krosslá, Beinta Virgarsd&oacu...

INNANHÝSIS LEIÐSLUMENNINGARTILGONGD  11-Apr-2014

Innanhýsis Leiðslumenningartilgongd Okkara kundar leggja alsamt meira dent á at fáa eina tænastu, ið er sett s...

ENDURNÝGGJAN AV SVEISISERTIFIKAT  30-Aug-2013

Endurnýggjan av sveisisertifikat verður gjørd eftir avtalu og í samstarvi við Norsk Veritas. Luttakaragjaldið er ...





Luttakandi siga

Um Prosjektleiðaraskeiðið 

Skeiðið í projektleiðslu er heilt vist besta skeiðið eg havi verið á í mínum virkna abeiðslívi, ikki minst at takka frálíku skeiðshaldarunum fyri.

Skeiðið gevur innlit í týdningarmiklar mannagongdir, metodir og vegleiðingar fyri at fáa projektið at eydnast, og ikki minst fellur, ið kunnu forkoma projektinum. 

Mortan Simonsen, ráðgevi í Fíggjarmálaráðnum

Um Skeiðsdepilin

Skeiðsdepilin arbeiðir við eftir- og víðariútbúgving á Glasi í Tórshavn. Vit vilja geva tær neyðuga førleikan at fremja tey verk, sum tú hevur sett tær fyri.

Les meira